علمونا إن السكوت علامة الرضا..!

اذهب الى الأسفل

علمونا إن السكوت علامة الرضا..! Empty علمونا إن السكوت علامة الرضا..!

مُساهمة من طرف نوراي في الأحد 14 يوليو 2019 - 17:26

علمونا إن السكوت علامة الرضا..!
فهمونا إن الرضا في إبتسامة ولو باهته..!
أو بشاشة وش، مش غش حتى لو مداريها الوجع!
شفنا ناس كتير مننا وحوالينا وجعها جواها..
وإبتسامتها ظاهرة منها بس مش ملياها..!
بس الحقيقة غير كل ده بمنتهى الأسف
الحقيقة إن السكوت مجرد صمت 
مش بالضرورة يكون علامة رضا 🤔


- ممكن يكون السكوت علامة ضعف..
إني مش قادر أواجه بصوت فيكون الحل سكوت!
- ممكن يكون السكوت علامة خوف..
إني مهزوز ومش عارف ألملم مخاوفي وحاسس بكل مشاعر الموت فيكون الحل سكوت!
- ممكن يكون السكوت علامة خُزلان..
لما أتجرح في اللي أديته أكبر من حجمه، ومنحته أكتر من حقه فأحس بخسارة الكلام عنه ويبقي الحل سكوت!
- السكوت ممكن يكون علامة وجع..
وجع لقلب إتخدع من اللي إفترض فيهم سند، وكانوا سيف قطع حبل الكلام!
- السكوت ممكن يكون علامة صدمة..
لما أتسأل الشخص عن عُمر عدى غلط فيه وهو بيحسب الحسبة، فيكون الرد سكوت!
- السكوت ممكن يكون علامة جلد للنفس..
نفس من كتر صريخها جوانا بَحِّت وبقى صريخها سُكات!
- السكوت ممكن يكون علامة ألم..
ألم طفى أمل كنت منتظره، وقتل فرحة كنت فاكرها جاية من زمن!


السكوت هو صمت.. والصمت لغة..
ميفهمهاش غير اللي عاشها مضطر..
ومارسها مُجبر عليها مفيش غيرها..!
ومقدرش يقول كلام ولا يرد بكلام..
لمَا عرف إن رده مش هيتفهم وإن كلامه هيُساء فهمه..!
الصمت.. اللي أشبه بضجيج بيهز جدران النفس ويزلزلها..
فيولد حالة من الكرب واليأس والضغط ويحولها..
إما لكبت ييجي بعده إنهيار 😔
أو لطاقة وجهد ييجي بعدهم إنتصار 💪
حول صمتك لإنتصار تسمع بعدها سكوتك في قلبك بإبنبهار




منقول
نوراي
نوراي

المساهمات : 2445
تاريخ التسجيل : 02/12/2017

http://www.nouray.com/

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى